Habari zilizotufikia hivi punde zinasema Jeshi la polisi mkoani Geita limekamata bunduki saba (pichani) na mabomu kadhaa ya machozi eneo la Ushirombo wilaya ya Bukombe ikisadikiwa kuwa ni kati ya bunduki kumi zilizoporwa na majambazi yaliyovamia kituo cha polisi Bukombe na kufanya mauaji ya askari polisi wawili waliokuwa zamu jana. Bunduki hizo, nne zikiwa SMG na tatu aina ya Shotgun pamoja na panga zimepatikana katika tanuri la kuchomea matofali zikiwa zimefichwa pamoja na mabomu hayo.
Habari zinapasha pia kwamba katika msako huo mkali unaoendelea, Jeshi hilo pia limemkamata mtu mmoja anayehisiwa kuwa ni jambazi akiwa na bomu juu ya mti, na kwamba mtu huyo ambaye hakufahamika jina alikutwa juu ya mti majira ya jioni ya leo.
Jeshi la polisi nchini tayari limetangaza dau la shilingi millioni 10 kwa mtu yeyote atakaye fanikisha kuwakamata au kuwabaini waliohusika na vitendo hivyo. Taarifa zaidi tutaendelea kuwaletea kwa kadri zitavyopatikana
Chanzo: Michuzi Blog
Chanzo: Michuzi Blog
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
0 comments:
Post a Comment