Watendaji kata na Maafisa uhamiaji Geita wageuza mtaji agizo la Rais Kikwete, waomba rushwa kwa wahamiaji haramu

JAMII ya wafugaji kabila la Wahima mkoani Geita wameiomba Serikali kuwadhibiti baadhi ya watendaji wa vijiji, kata na maofisa uhamiaji ambao wamekuwa wakiwaomba rushwa ya Fedha na Mifugo ili wasitajwe kwenye oporosheni ya kuwaondoa wahamiaji haramu.

Hatua hiyo ni kufuatia kuwafananisha Wahima Raia wa Tanzania na Wahamiaji Haramu jamii ya Wanyarwanda hali ambayo wamedai kuwa ni unyanyasaji wa Kijinsia na ukiukwaji wa haki za Binadamu.

Wakizungumza na Kituo hiki wananchi hao wamesema baadhi ya watendaji wa vijiji,kata na maofisa uhamiaji mkoani hapa wameanzisha mkakati wa kukusanya fedha kwa njia ya rushwa wakitishia kuwakamata watu ambao wanafanana kwa sura na kabila  la Wanyarwanda.

Mmoja wa Wawahima, Sospeter Karoli akizungumzia historia ya kabla hilo amesema wao ni raia halali wa Tanzania Tangu miaka ya 1675 ambapo mababu zao walipoingia nchini wakitokea Ethiopia Kupitia mjini Bunyoro nchini Uganda na baadaye kutawala eneo la Karagwe mkoani Kagera.

Akizungumzia Tuhuma za baadhi ya maofisa uhamiaji na watendaji wa kata na vijiji za kuomba Rushwa Kamanda wa Uhamiaji mkoa wa Geita Charles Washima amekiri kupata taarifa hizo hasa katika wilaya ya Bukombe na hivyo kuahidi kuwafuatilia viongozi hao ili kuwachukulia hatua za kisheria.

Hata hivyo katika hali isiyokuwa ya kawaida,Mzee  Lumenangabo Kichukuma(100)Mhima mkazi wa Bugulula wilayani Geita ametishia kujiua kwa kujinyonga ama kujizamisha majini endapo serikali itamkamata kumpeleka katika nchi ambayo hakuzaliwa ili hali yeye akidai kuwa ni Raia halali wa Tanzania.