ZAIDI YA WANAFUNZI ELFU SABA WAANDIKISHWA DARASA LA KWANZA GEITA MJINI HUKU TATIZO LA UHABA WA MADARASA LIKIWATESA WANAFUNZI NA WALIMU.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
Mwl Risa Nkya akiwa darasani akiwafundisha wanafunzi wa darasa la tatu  kwenye shule ya Msingi Nyankumbu iliyopo Halmashauri ya mji wa Geita huku wanafunzi wakiwa ni wengi zaidi darasani hali ambayo imepelekea wengine kukaa chini. 

Nje ya shule ya Msingi Nyankumbu baadhi ya madawati yakiwa yamebebanishwa kutokana na uhaba wa madarasa Shuleni Hapo.

Wanafunzi wakiwa darasani katika hali ya Mlundikano mkubwa zaidi.

Na,Joel Maduka.Geita.

Afisa elimu wa shule za msingi katika Halmashauri ya mji wa Geita Bw Yesse Kanyuma amesema Idara yake imeandikisha wanafunzi 7 713 wa Darasa la kwanza.

Bw Kanyuma alisema  malengo ni kuandikisha wanafunzi  10109 na kwamba anaamini malengo hayo yatafikiwa kutokana na mwenendo wa uandikishaji.

“Zoezi la uandikishwaji linaendelea kwenye halmashauri yetu na hadi sasa tuna asilimia sabini na tisa (79%) hata hivyo bado tunamatarajio ya kuandikisha wanafuzi wengi zaidi  kutokana na kwamba zoezi hili linaendelea hadi mwezi March”Alisema Kanyuma

Hata hivyo mtandao huu umetembelea baadhi ya shule za msingi mjini Geita na kuzungumza na Mwalimu mkuu wa shule ya msingi ya Nyankumbu Mwl Swalala David na Mwl Mkuu wa shule ya msingi Mbugani Florence Leonard ambao wamesema changamoto kubwa inayowakabili ni upungufu wa vyumba vya madarasa.

“Nina vyumba kumi na moja vinavyotumika lakini idadi ya wanafunzi ni zaidi ya elfu tatu na kitu ,mwaka jana nilikuwa na watoto elfu tatu na mia tano themanini na saba lakini vyumba ni hivyo hivyo aviongezeki kwa hiyo kilio kikubwa ni vyumba vya madarasa imefikia hatua tumeamua kutumia baadhi ya miradi tuliyonayo ili kujenga vyumba vitatu vya madarasa ingawa na vyenyewe havitoshi kutokana na wengi uliopo wa wanafunzi”Alisema Mwl Swalala.

Aidha Mwl Swalala ameendelea kusema pamoja na matatizo ya uhaba wa madarasa hata hivyo bado wanakabiliwa na tatizo la madarasa kuchakaa na kutengeneza nyufa hali ambayo ni hatarishi kwa wanafunzi ambao wanasoma kwenye madarasa hayo.

“Kutokana na wingi wa wanafunzi imekuwa ni kazi ngumu sana kwa mwalimu pindi anapofundisha kumpitia kila mwanafunzi na kumuelekeza hata hivyo pamoja na changamoto hizo walimu wameendelea kujitahidi kufundisha”Alisema Mwl Leornad

Hata hivyo kwa upande wake Mwl Risa Nkya alisema idadi kubwa ya wanafunzi madarasani kumekuwa kukiwanyima amani walimu wengi na kujikuta wakitimiza wajibu tu wakufundisha kwani hali ya mlundikano wa wanafunzi ni kubwa sanaa.

Baadhi ya wanafunzi wa shule ya msingi Nyankumbu akiwemo Devid Cosmas na Devota John wameelezea kuwa hali ya mlundikano ni tatizo ambalo linaweza kuchangia kushusha kiwango cha cha Elimu kwani wamekuwa wakishindwa kusoma vizuri kutokana na wingi wa wanafunzi kwenye madarasa ambayo wanasomea hivyo wameiomba serikali pamoja na wadau kujitoa kwa dhati kutatua kero ya uhaba wa madarasa shuleni hapo.


MWENYEKITI, WAJUMBE WA SERIKALI YA KIJIJI LAMADI WASIMAMISHWA KAZI KUPISHA UCHUNGUZI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Mkuu wa Mkoa wa Simiyu akizungumza na wananchi wa Kata ya Lamadi katika mkutano wa Hadhara uliofanyika Lamadi wiayani Busega.
Mwenyekiti wa Kijiji cha Lamadi Wilayani Busega, Mhe. Nzala Hezron akizungumza na wananchi katika Mkutano wa Hadhara ulioitishwa na Mkuu wa Mkoa wa Simiyu, Mhe.Anthony Mtaka kwa lengo la kusikiliza kero mbalimbali za wananchi na kuzitolea ufumbuzi.
Kamanda wa Polisi wa Mkoa wa Simiyu, Boniventure Mushongi akitoa ufafanuzi wa masuala mbalimbali katika Mkutano wa hadhara uliofanyika katika Kata ya Lamadi wilayani Busega.


Na StellaKalinga, Ofisi ya Mkuu wa Mkoa Simiyu

Mkuu wa Mkoa wa Simiyu, Mhe.Anthony Mtaka amemsimamisha kazi kwa muda wa mwezi mmoja Mwenyekiti wa Kijiji cha Lamadi Wilayani Busega Mhe.Nzala Hezron pamoja na Wajumbe wa Serikali ya Kijiji hicho, ili kupisha uchunguzi kufuatia tuhuma mbalimbali zinazowakabili.



Uamuzi huo umekuja kufuatia malalamiko yaliyotolewa na wananchi wa Lamadi dhidi ya Mwenyeiti huyo kwa Mkuu Mkuu wa Mkoa wa Simiyu, Mhe.Anthony Mtaka katika Mkutano wa hadhara uliofanyika jana Lamadi, kuhusu tuhuma mbalimbali ikiwemo matumizi mabaya ya fedha za michango ya wananchi katika Ujenzi wa Shule ya Sekondari Lukungu pamoja na kutosoma mapato na matumizi ya fedha za michango mbalimbali ya wananchi.



“Ili tuweze kutenda haki ya uchunguzi na ukaguzi tumeona ni busara Mwenyekiti asiwe Ofisini na wajumbe wanaounda Serikali ya Kijiji wasiwe ofisini ili uchunguzi na ukaguzi wa akaunti uweze kufanyika kwa haki” alisema Mtaka.

Mtaka amesema Mkaguzi wa Ndani kutoka katika Ofisi yake atakayeshirikiana na Mkaguzi wa ndani wa Wilaya ya Busega kufanya ukaguzi katika Akaunti ya Shule kujua namna fedha zilizochangwa na wananchi na zilizotolewa na Halmashauri zilivyofanya kazi ya Ujenzi wa Vyumba vya madarasa na matundu ya vyoo katika Shule ya Sekondari Lukungu.

Ameongeza kuwa kutokana na malalamilo ya baadhi ya wadau pamoja na wananchi uchunguzi na ukaguzi huo pia utahusisha pia Akaunti ya Kijiji cha Lamadi kwa kuwa Kijiji hicho kina hali nzuri kimapato na kimekuwa kikichangiwa na wadau mbalimbali wa maendeleo, hivyo ni vema ikabainishwa wadau wanaokichangia, wanachangia kitu gani na namna michango hiyo inavyotumika.

Aidha, Mtaka amesema ukaguzi huo pia utafanywa kwenye kamati iliyohusika katika upimaji viwanja katika Mji Mdogo wa Lamadi kwa sababu nayo imekuwa ikilalamikiwa na baadhi ya wananchi kuwa haikuwatendea haki.

Mkuu wa Mkoa huyo amesema uchunguzi na ukaguzi katika maeneo hayo matatu utaanza tarehe 10/01/2018 na taarifa rasmi ya zoezi hilo itatolewa tarehe 10/02/2018 kwa wananchi kupitia Mkutano wa hadhara, itakapobainika kuwa tuhuma zilizotolewa dhidi ya watu hao ni za kweli Serikali itachukua hatua.

Wakati huo huo Mtaka amemtaka Mkurugenzi wa Halmashauri ya Wilaya ya Busega kumuondoa Afisa Mtendaji wa Kata ya Lamadi Bw.Furaha Magese Ng’onela na kuhakikisha kuwa ifikapo tarehe 10/01/2018 Kijiji cha Lamadi kinapata Mtendaji wa Kijiji kwa kuwa aliyepo sasa anakaimu na Kata ya Lamadi ipangiwe Afisa Mtendaji mwingine.

Vile vile Mtaka ameahidi kuchangia mifuko 100 ya saruji katika Ujenzi wa Shule ya Sekondari Lukungu ambayo sasa imepewe jina lake(Mtaka Sekondari) na wananchi hao, Mkuu wa Wilaya ya Busega,Mhe.Tano Mwera ameahidi kuchangia mifuko 40 na Mbunge wa Jimbo la Busega, Mhe.Dkt.Raphael Chegeni ameahidi kutoa vifaa vya ujenzi vyenye thamani ya shilingi milioni 10 kufanikisha ujenzi huo.

Kwa upande wake Mwenyekiti wa Kijiji cha Lamadi, Mhe.Nzala Hezron amesema kuhusu suala la ujenzi wa Shule yeye pamoja na Serikali yake ya Kijiji haikushirikishwa kikamilifu na Kamati ya Maendeleo ya Kata(WADC).

Naye Mhe.Chegeni amemhakikishia Mkuu wa Mkoa wa Simiyu, Mhe.Anthony Mtaka kuwa michango ya viongozi, wadau wa mendeleo na wananchi wa Lamadi inayotolewa sasa itatumika kama ilivyokusudiwa na ikiwa kuna atakayebainika kutumia tofauti na utararibu atachukuliwa hatua.

Mkuu wa Wilaya ya Busega, Mhe.Tano mwera ametoa wito kwa wananchi wa Lamadi kuunga mkono juhudi za Serikali kwa kuchangia shilingi 10,000 kwa kaya ili kufikia Februari 15, 2018 vyumba vinne vya madarasa viwe vimekamilika katika Shule ya Sekondari Lukungu(imebadilishiwa jina na wananchi na kuitwa Mtaka Sekondari), ambayo hadi sasa ina madarasa manne na matundu ya vyoo 16 yanayoendelea kukamilishwa ili wanafunzi waanze masomo.

Nao wananchi wa Vijiji vinavyounda Kata ya Lamadi wamesema wamejipanga kuhakikisha vyumba vya madarasa vinajengwa na kukamilika  katika shule hiyo kabla ya Februari 15, 2018 ambapo kila Kitongoji kimejipanga kuanza na ujenzi wa chumba kimoja cha darasa na vitongoji vyenye watu wachache vitaungana viwili kujenga chumba kimoja cha darasa, ambapo kamati za ujenzi zitachaguliwa na wananchi wenyewe.

VODACOM TANZANIA FOUNDATION, DORIS MOLLEL FOUNDATION WATOA MSAADA WA VIFAA TIBA KWA HOSPITALI YA WILAYA YA CHATO, MKOANI GEITA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
 Katibu Mkuu Wizara ya Afya, Maendeleo ya Jamii, Jinsia, Wazee na Watoto (Afya), Dkt. Mpoki Ulisubisya akizungumza katika hafla ya kukabidhiwa msaada wa vifaa tiba kwa ajili ya kusadia watoto wanaozaliwa kabla ya wakati kwa Hospitali ya Wilaya ya Chato Mkoani Geita, uliotolewa kwa ushirikiano kati ya Taasisi ya Vodacom Tanzania (Vodacom Tanzania Foundation) pamoja na Taasisi ya Doris Mollel (Doris Mollel Foundation). hafla hiyo imefanyika leo katika Hospitali ya Chato, Mkoani Geita.
Katibu Mkuu Wizara ya Afya, Maendeleo ya Jamii, Jinsia, Wazee na Watoto (Afya), Dkt. Mpoki Ulisubisya akipokea moja ya mashine za kusaidia kupumua watoto wanaozaliwa kabla ya wakati (Njiti) kutoka kwa Mkurugenzi wa Mawasiliano na Uhusiano wa Vodacom Tanzania, Rosalynn Mworia (kushoto) kwa ajili ya Hospitali ya Wilaya ya Chato, Mkoani Geita. Msaada huo umetolewa kwa ushirikiano kati ya Taasisi ya Vodacom Tanzania pamoja na Taasisi ya Doris Mollel. Wanaoshuhudia ni Muasisi wa Taasisi ya Doris Mollel na Balozi wa Watoto Njini nchini, Doris Mollel (wa pili kushoto) na Kushoto ni Mganga Mfawidhi wa Hospitali ya Chato, Dkt. Ligobert Kalasa.
Katibu Mkuu Wizara ya Afya, Maendeleo ya Jamii, Jinsia, Wazee na Watoto (Afya), Dkt. Mpoki Ulisubisya akiteta jambo na Mkurugenzi wa Mawasiliano na Uhusiano wa Vodacom Tanzania, Rosalynn Mworia pamoja na Muasisi wa Taasisi ya Doris Mollel na Balozi wa Watoto Njini nchini, Doris Mollel.
Katibu Mkuu Wizara ya Afya, Maendeleo ya Jamii, Jinsia, Wazee na Watoto (Afya), Dkt. Mpoki Ulisubisya akimkabidhi zawadi ya Khanga Bi. Maria Maganga ambaye ni mzazi aliyekuwa katika Wadi ya Wazazi ya Hospitalini hapo.
Mkurugenzi wa Mawasiliano na Uhusiano wa Vodacom Tanzania, Rosalynn Mworia akimsalimia mmoja wa watoto waliozaliwa katika Hospitali ya Chato, Mkoani Geita leo.
Katibu Mkuu Wizara ya Afya, Maendeleo ya Jamii, Jinsia, Wazee na Watoto (Afya), Dkt. Mpoki Ulisubisya akiwa pamoja na Mkurugenzi wa Mawasiliano na Uhusiano wa Vodacom Tanzania, Rosalynn Mworia (katikati) pamoja na Muasisi wa Taasisi ya Doris Mollel na Balozi wa Watoto Njini nchini, Doris Mollel wakipanda mti katika eneo la Hospitali ya Chato ikiwa ni ishara ya mtoto anayezaliwa na kutunzwa katika mazingira bora.

MWANASHERIA WA GGM MBARONI KWA KUMNYIMA NYARAKA NAIBU WAZIRI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
Mwanasheria Mkuu wa Mgodi wa dhahabu wa Geita(GGM) David Nzarigo akipandishwa kwenye gari ya Polisi Baada ya agizo la  Naibu Waziri Ofisi ya Makamu wa Rais Muungano na Mazingira Mh,Kangi Lugola.

Naibu Waziri Ofisi ya Makamu wa Rais Muungano na Mazingira Mh,Kangi Lugola akipokea taarifa ya shughuli zinazofanywa na Mgodi huo.

Mganga Mkuu wa Mgodi ambaye pia anasimamia kitengo cha mazingira Mgodini wa Dhahabu wa Geita(GGM)akitoa taarifa ya namna ambavyo mgodi umekuwa ukihifadhi mazingira.

Mkuu wa Wilaya ya Geita,Mwl Herman Kapufi akitazama baadhi ya nyaraka wakati ambapo Naibu Waziri Ofisi ya Makamu wa Rais Muungano na Mazingira Mh,Kangi Lugola.

Mwanasheria Mkuu wa Mgodi wa dhahabu wa Geita(GGM) David Nzarigo akipelekwa kwenye gari la polisi na askali baada ya agizo la Naibu Waziri Ofisi ya Makamu wa Rais Muungano na Mazingira Mh,Kangi Lugola.

Moja kati ya Nyumba ambayo hipo ndani ya eneo la Mgodi.

Naibu Waziri Ofisi ya Makamu wa Rais Muungano na Mazingira Mh,Kangi Lugola akikagua madarasa ambayo yanaonekana kuharibiwa na mipasuko.


 Na Joel Maduka,Geita
Mwanasheria Mkuu wa Mgodi wa dhahabu wa Geita(GGM) David Nzarigo amekamatwa na serikali baada ya kukutwa na nyaraka za serikali .
                                                                                                                                   
Mwanasheria huyo amekamatwa kwa  amri ya Naibu Waziri Ofisi ya Makamu wa Rais Muungano na Mazingira Mh,Kangi Lugola alipotembelea Mgodi huo ambapo pamoja na mambo mengine amebaini mgodi huo kuwa unaendesha shughuli zake bila kufuata sheria ya mazingira .

Mhe. Lugola akiwa katika ziara ya kikazi ya siku mbili  Wilayani Geita ameagiza kukamatwa kwa mwanasheria  Mkuu  wa Mgodi wa dhahabu wa  Geita (GGM) David Nzogila baada ya kukutwa na nyaraka za serikali ambazo hazijawa rasmi kutumika kutoka taasisi  ya wakala wa utafiti wa jiolojia Tanzania(GST).

 Hata hivyo katika hali hisiyo ya kawaida na  bila kutarajia mwanasheria huyo aliyekuwa akiukingia kifua mgodi huo  ili usikumbane na rungu la fidia ya uharibifu wa kimazingira kama sheria inavyotamka alijikuta akimweleza Naibu Waziri kuwa anayo ripoti ya GST aliyodai haijaeleza iwapo mgodi huo unahusika moja kwa moja kwenye uharibifu hivyo mgodi huo usibebeshwe mzigo huo.

Kutokana na hali hiyo,Naibu Waziri Lugola aliomba apatiwe riporti hiyo ili ajiridhishe lakini mwanasheria huyo akijibu kwa kujiamnini alimtaka kiongozi huyo wa juu   kutumia mbinu zake kuipata Serikalini lakini yeye  hawezi kutoa nyaraka ya serikali, jambo  lililomkasirisha Naibu Waziri  wa Muungano na Mazingira na kutoa agizo la kukamatwa mara moja.

Diwani wa kata ya mtakuja Constatine Morandi ameelezea kuwa wananchi wamekuwa wakisumbuliwa muda mrefu na mgodi bila ya kupatiwa fidia  na kwamba kutokana na wao kuwa ndani ya bikoni kumesababisha kutokupatiwa huduma mbali mbali za kijamii  hivyo ni vyema kwa serikali wakaweka nguvu kuwasaidia wananchi hao.

Bw Abdallah Omary-Mkazi Nyamalembo alimweleza Naibu waziri  kwamba wamekuwa wakiishi maisha ya mashaka kutokana na hali ilivyo ya maeneo hayo ya mgodini na kwamba mgodi ulikwisha wai kuwapatia fidia ya shilingi elfu ishirini jambo ambalo limeonekana kuwa ni udhalilishaji kwani pesa hiyo ni ndogo.


 Kwa upande wake Makamu wa Rais wa mgodi huo Saimon Shayo,alisema kuwa  eneo ambalo wananchi wamekuwa wakilalamika kuhusu suala la fidia hadi sasa kuna nyumba mbili na kwamba fidia ya kwanza walilipa kiasi cha sh,Bilion Moja na waliipatia serikali iweze kuwafidia wananchi.

MTOTO WA MIAKA 12 AUWAWA KIKATILI NA MWILI WAKE KUTUPWA MAKABURINI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Mwili wa mtoto  Lucia Thomas ambaye amefanyiwa ukatili ukiwa ndani ya Jeneza kwaajili ya kuagwa na kusafirishwa kuendelea Mkoani Mara Wilayani Bunda.
Baadhi ya majirani na ndugu jamaa na marafiki wakiwa nje kwaajili ya kuaga mwili wa marehemu.

Mwenyekiti wa Mtaa wa Mkoani, Salvatory Edward akisisitiza kufungwa kwa vituo bubu vya kufundishia wanafunzi kwenye mtaa ambao anauongoza. 

Mchungaji wa Kanisa la heri wenye moyo safi , Samweli Samson akihubiria na kutoa neno la faraja kwa familia.

Baadhi ya wananchi wakiwa kwenye hali ya masikitiko na maombolezo.

Na,Joel Maduka,Geita

Mtoto Lucia Thomas  Mwenye umri wa miaka 12  amekutwa akiwa ameuawa na mwili wake kutupwa eneo la makaburi mtaa wa mkoani mjini Geita.

Mwenyekiti wa Mtaa wa Mkoani, Salvatory Edward amedai pamoja na kunyongwa hadi kufa, mwili wa mtoto huyo aliyehitimu darasa la saba mwaka huu katika Shule ya Msingi Kiandege wilayani Bunda pia ulikuwa na dalili za kubakwa kabla ya kuuawa.

Mama Mkubwa wa mtoto  huyo  Bi, Grace Thomas amesema  hata wao wameshangazwa na tukio hilo kwani mtoto huyo alikuja Geita akitokea Jijini Mwanza akiwa salama na kwamba kwa mtut ambaye ametenda ukatili huo ni vyema  kwa vyombo vya sheria vikafuatilia kwa umakini hili waweze kumchukulia hatua za kisheria.

Mama Mzazi wa Mtoto huyo Bi, Mary Thomas alisema mwanaye alitoka nyumbani jana Alhamisi saa 12:30 jioni akiwa ameongoza na mtu aliyesema ni mwalimu wake wa masomo ya maandalizi ya kujiunga na kidato cha kwanza kwa maelezo kuwa anaenda kuchukua karatasi za mitihani ya somo la Uraia.

Aidha ameongeza kuwa baada ya kuona usiku umeingia bila mtoto kurejea nyumbani, alikwenda kwa mwalimu mwingine aliyemtaja kwa jina moja la ambapo waliongoza hadi nyumbani kwa mwalimu aliyeondoka na mwanaye na kumkuta lakini akawatoroka kwa kujifanya anampa mtu begi alilolishika mkononi.

Baada ya mwalimu huyo kutorejea huku mtoto haonekani, waliendelea kumtafuta mtoto wake usiku kucha bila mafanikio ndipo alipoenda kutoa taarifa polisi alikotakiwa kurejea iwapo itapita saa 24 bila mtoto kurejea nyumbani.

“Kabla ya saa 24 kumalizika, taarifa zilinifikia kuwa mwili wa mwanangu umeonekana makaburini akiwa tayari amefariki huku ukiwa na michubuko shingoni na akiwa amefungwa kamba miguuni huku hana nguo ya ndani,” Bi,Mary alisema kwa uchungu.

Kutokana na tukio hilo, uongozi wa serikali ya mtaa wa mkoani umepiga marufuku vituo vyote vya masomo ya ziada eneo hilo na kuwataka wazazi na walezi kuwapeleka watoto wao kwenye shule zinazotambulika kisheria badala ya vituo vya vichochoroni.

KALIDUSHI MWENYEKITI MPYA WA CCM MKOA WA GEITA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Wajumbe wakiwa wamembeba mshindi wa kiti cha uenyekiti Mkoani Geita,Alhaji Said Maneno Kalidushi baada ya kuibuka mshindi kwa kura 358.

Mkuu wa Mkoa wa Geita,MhandisI Robert Luhumbi akizungumza na wajumbe wa  kabla ya kufanyika kwa uchaguzi .

Wananchama wa chama cha mapinduzi (CCM)Mkoani Geita wakifurahia wakati walipokuwa wakimsikiliza Mkuu wa Mkoa wa Geita.

Mwenyekiti  Mstaafu wa Chama Chama Mapinduzi Mkoa wa Geita Bw. Joseph Kasheku Msukuma akizungumza na wanachama wakati wa uchaguzi wa kumchagua mwenyekiti ambaye alitakiwa kukalia kiti chake .

Baadhi ya wagombe wakimsikiliza mwenyekiti ambaye amemaliza muda wake wakati wa uchaguzi.

Baadhi ya wajumbe wa kamati tendaji ambayo ilikuwa ikisimamiwa na mwenyekiti wa chama cha mapinduzi Mkoani Geita,ambaye amemaliza muda wake wakiwaaga wajumbe hili kupisha nafasi mbali mbali ziweze kugombewa.

Msimamizi Mkuu wa Uchaguzi,Bw Hamis Kigwangala akisoma kanuni ambazo zimo kwenye katiba ya chama hicho kabla ya uchaguzi kufanyika.


Wagombea ngazi ya uenyekiti wakiwa wameshikilia namba ambazo zinawasaidia wapiga kula kuwachagua.

Wajumbe wakipiga kura wakati wa zoezi la uchaguzi.

Mwenyekiti  Mstaafu wa Chama Chama Mapinduzi Mkoa wa Geita Bw. Joseph Kasheku Msukuma  akizungumza na waandishi wa habari.

Mwenyekiti mpya wa Chama Chama Mapinduzi Mkoa wa Geita Alhaji  Said Maneno Kalidushi  akitoa hotuba yake ya kwanza kuwashukuru wapiga kura mara baada ya kushinda uchaguzi huo uliofanyika kwenye ukumbi wa Omega  mjini Geita  jana  akiwashinda wapinzani wake wawili   
John Luhemeja na Saimon Mayengo.

(PICHA NA CONSOLATA EVARSIT)

KANGI LUGOLA ASWEKA NDANI VIGOGO WATANO WA MGODI AKIWEMO MZUNGU KWA UKIUKAJI WA SHERIA YA MAZINGIRA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
Naibu Waziri wa Wizara ya Ofisi ya Makamu wa Rais Inayoshughulika na muungano na Mazingira Mheshimiwa Kangi Lugola akizungumza na wananchi ambao mashamba yao yameathirika kutoka na sumu ambayo imeeharibu mazao yao pamoja na viumbe hai.
Moja kati ya wakurugenzi wa Mgodi wa  Nyarugusu Mine Co.Limited  Fred Masanja akionesha cheti NEMC ambacho naibu waziri alikikata.

Bwawa la kuhifadhia maji ya kemikali ambalo limeharibika na kusababisha maji mengi kuelekea kwenye shughuli za wananchi.

Naibu Waziri wa Wizara ya Ofisi ya Makamu wa Rais Inayoshughulika na muungano na Mazingira Mheshimiwa Kangi Lugola ,akiwa na mwenyeji wake ambaye ni Mkuu wa Wilaya ya Geita wakikagua eneo ambalo lilipasuka na kupeleka maji ya sumu kwenye maeneo ya mashamba ya wananchi.

Naibu Waziri wa Wizara ya Ofisi ya Makamu wa Rais Inayoshughulika na muungano na Mazingira Mheshimiwa Kangi Lugola  akiangalia baadhi eneo ambalo limepasuka.

Naibu Waziri wa Wizara ya Ofisi ya Makamu wa Rais Inayoshughulika na muungano na Mazingira Mheshimiwa Kangi Lugola  ,akitembelea na kuangalia miche ya miti ambayo imekwisha kuathirika.

]Naibu Waziri wa Wizara ya Ofisi ya Makamu wa Rais Inayoshughulika na muungano na Mazingira Mheshimiwa Kangi Lugola ,akiwa na Mkuu wa Wilaya ya Geita Mwl Herman Kapufi na baadhi ya wananchi ambao wameathirika kutokana na maji Hayo kwenye maeneo ya mashamba.

(PICHA NA JOEL MADUKA)

Ekari 270 za mashamba ya wakulima kwenye kijiji cha Ziwani Kata ya Nyarugusu Wilayani Geita zimeathiriwa na Sumu iliyotoka kwenye Bwawa la kuhifadhia Kemikali lililopasuka kingo zake na maji kusambaa kwenye mashamba hayo.

Hali hiyo imemlazimu Naibu Waziri wa Nchi, Ofisi ya Makamu wa Rais Muungano na Mazingira Bw Kangi Lugola kuitaka kampuni ya Madini ya Nyarugusu inayohusika na suala hilo kuwalipa fidia wananchi 57 ambao mazao yao yameathirika.

Awali Bw Lugola aliagiza muwekezaji huyo akamatwe kutokana na kile alichodai kuwa ni uvunjifu wa sheria za utunzaji wa mazingira mgodini hapo na kwamba uongozi wa mgodi huo ulimzuia Afisa Mazingira wa Wilaya ya Geita Bi Hellen Eustace kutekeleza majukumu yake baada ya kufika mgodini hapo kukagua namna wanavyozingatia utunzaji mazingira

Bw Kangi alisema Mwekezaji haruhusiwi kuendelea na shughuli anazozifanya na kufunga mgodi huo hadi watakapotekeleza mambo waliyoelekezwa

Mkurugenzi wa Nyarugusu Mine Company Bw Fred Masanja amesema kusimamishwa kwa shughuli zao kunaweza kuathiri ytendaji wao kwa kuwa Tani Laki moja na 20 hawataweza kuzizalisha na hivyo watapata hasara ya zaidi ya Sh Milioni 600 hadi 700

KIWANGO CHA MAAMBUKIZI YA UKIMWI CHA SHUKA KWA ASILIMIA 3.5 MKOANI GEITA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
Mkuu wa Mkoa wa Geita,Mhandisi Robert Luhumbi akiwahutubia wananchi wa Kijiji na Kata ya Nyawilimilwa Wilaya ya Geita wakati wa maadhimisho ya siku ya UKIMWI Duniani. 
Mkuu wa Mkoa wa Geita,Mhandisi Robert Luhumbi  akipanda Mti kwenye moja kati ya maeneo ambapo kuna zahanati ya kijiji cha Nyawilimilwa.

Mkuu wa Wilaya  ya Geita,Mwl Herman Kapufi akipanda mti kwenye zahanati ya Kijiji.

Mratibu wa kudhibiti maambukizi ya virusi vya Ukimwi Mkoa wa Geita,Dkt   Joseph  Odero akimuelezea Mkuu wa Mkoa ,Mhandisi Robert Luhumbi namna zoezi la upimaji linavyoendelea Kijijini hapo.

Mkuu wa Mkoa wa Geita,Mhandisi Robert Luhumbi akipewa maelezo na moja kati ya wahudumu wakati alipotembelea banda la huduma za afya kijijini hapo.

Mganga Mkuu wa Mkoa wa Geita,Dkt Japhet Simeo akitoa taarifa ya Mkoa juu ya shughuli ya upimaji na watu ambao wameathirika na virusi vya Ukimwi. 

Baadhi ya viongozi wakimsikiliza mkuu wa Mkoa wakati alipokuwa akihutubia.


Mkuu wa Wilaya ya Geita,Mwl Herman Kapufi akiteta jambo na Mkuu wa Mkoa,Mhandisi Robert Luhumbi.

Mkuu wa Mkoa wa Geita,Mhandisi Robert Luhumbi akitoa msaada kwa watoto ambao ni yatima waliondokewa na wazazi kutokana na ugonjwa wa UKIMWI.




Na ,Faudhia Sharifu,Geita


Jumla ya watu 1,412 sawa na asilimia 3.5 wameathirika na virusi vya ukimwi Mkoani Geita uku wanawake wakiwa ni 828 na wanaume wakiwa Ni 584.

Akizungumza kwenye maadhimisho ya  siku ya ukimwi Duniani ambayo kimkoa yemefanyika kwenye kijiji na kata ya Nyawilimilwa, Mganga Mkuu wa Mkoa wa huo Dkt Japhet Simeo amesema Takwimu za upimaji wa virusi vya UKIMWI ngazi ya jamii Jumla ya watu waliopimwa maambukizi ya VVU katika kipindi cha Aprili hadi Septemba 2017 ni 40,910 wanaume wakiwa ni 22,569 na wanawake 18,341 na ambao wamekutwa na maambukizi  ni 1,412.

Na kwamba kutokana na hali hiyo Kiwango kimeendelea kupungua kutokana na mbinu na mikakati mbalimbali za Mkoa dhidi ya maambukizi ya UKIMWI.

Aidha Dkt Simeo  ameongeza kuwa Jumla ya wagonjwa 65,825  ambapo wanaume ni 24,812 na Wanawake  41013 Wamekwishaandikishwa kwenye vituo vya Tiba na matunzo ,ambapo ni  kuanzia 2012 – Septemba, 2017kati ya hao walioanzishwa dawa ni 52,550  wakiwemo wanaume  19296 na wanawake   33,254  na wanaoendelea na dawa (matibabu ni 32,709  wanaume  11188, na  wanawake  19914) ambayo ni sawa na 62.2.

Mgeni Rasmi kwenye maadhimisho  hayo,Mkuu wa Mkoa wa Geita,Mhandisi Robert Luhumbi alisema kuwa kundi kubwa ambalo linaongoza kwa maambukizi ni vijana  ambao wanakuwa kwenye umri wa miaka 15 hadi 25 huku wanawake na mabinti wakiongoza kwa kiasi kikubwa Mkoani humo.

Akizungumza kwa niaba ya wananchi  kwenye kijiji hicho,Devid Maduka,ameshukuru zoezi la upimaji kuwepo kijijini hapo huku akiomba serikali kutoa walau siku nyingi za upimaji.


Maadhimisho ya siku ya Ukimwi Duniani   Kitaifa yamefanyika Jijini Dar es salaam huku kauli mbiu ikisema i “Changia mfuko wa udhamini wa ukimwi okoa maisha tanzaniabila ukimwi inawezekana”

 
Supported by Tone Multimedia Company Limited
Copyright © 2012. Geita Yetu - All Rights Reserved
Designed by Fredy Tony Njeje
Proudly powered by Blogs za Mikoa