Uhamiaji yanasa Warundi 19

na Ali Lityawi, Geita

WAHAMIAJI haramu 19 kutoka nchini Burundi na raia mmoja wa Kenya wamekamatwa na Idara ya Uhamiaji mkoani Geita wakiwa wamejificha vijijini wakifanya shughuli za kilimo cha bustani ya mananasi.

Kaimu Mkuu wa Uhamiaji mkoani Geita, Charles Mwandima, alisema janakuwa wahamiaji hao walikamatwa kwenye vijiji vya Nyamilyango, Sungusila na Kakubiro.

Alisema wahamiaji hao walikamatwa kwenye oporesheni maalumu na kwamba idadi hiyo inaweza kuongezeka kutokana na msako huo kuendelea.

Aliwataja wahamiaji hao waliokamatwa kuwa ni Rongino Barabonerana (38), Braiton Kiporoka (26), Leonard Petro (25), Heshimana Marko (25), Manilambona Deo (15), Kwizela Jacob (15), Charles Yona (24), Furaha Jovalini(23), Mateso Yusuph (17), Japhet Philipo (19).

Wengine ni Nyizingano Felaste (22), Bizimana Gerrald (19), Athumani John (19), Ndingwao Gerald (17), Mawazo Samweli (21), Nimbona Miraji (19), Hatizimana Nestory (19), Japhet Gervas (21), Jerald Mahangaiko (21) na Kevin Odongo ambaye ni raia wa Kenya.

Alisema watu hao walijipenyeza na kupokewa na wenyeji kinyume cha kisheria ya nchi na wamekuwa wakiwatumia katika kufanikisha vibarua katika kilimo cha bustani ya mananasi na watafikishwa mahakamani wakati wowote.

CHANZO MTANZANIA DAIMA