KIUNGO CHAMTESA LWANDAMINA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Pamoja na kiungo mpya wa timu hiyo, Papy Tshishimbi, kuanza mazoezi na timu hiyo wiki iliyopita, Lwandamina bado hana uhakika wa kumtumia mchezaji huyo kwenye mchezo wa keshokutwa.
Mmoja wa viongozi wa benchi la ufundi la timu hiyo, aliliambia Nipashe jana kuwa Tshishimbi amechelewa kujiunga na wenzake na amewakuta wakiwa mbali kwenye program ya mwalimu hivyo, anaasilimia chache kuanza kwenye mchezo huo.
“Unajua ili mchezaji acheze kwenye mechi kubwa kama hii ya Jumatano, ni lazima kocha ajiridhishe kuwa yupo fiti kwa asilimia zote, Kocha anaendelea kumuangalia Tshishimbi kwa siku hizi mbili zilizobakia na baadaye atajua kama atamtumia au la, lakini ana nafasi ndogo ya kuanza,” alisema kiongozi huyo ambaye yupo na timu visiwani Zanzibar.
Alisema, ingekuwa jambo zuri kama mchezaji huyo angeanza mchezo huo na kucheza na kiungo Thaban Kamusoko katika eneo la katikati.
“Kama Tshishimbi ataanza mchezo wa Jumatano, basi timu itakuwa na muunganiko mzuri katikati kwa sababu ya uwapo wa Kamusoko,” aliongezea kusema kiongozi huyo.
Hata hivyo, Yanga inayo viungo wengine wanaoweza kuanza pamoja na Kamusoko kwenye mchezo huo dhidi ya Simba akiwamo, Said Makapu na kiungo mpya Rafael Daudi aliyesajiliwa kutoka Mbeya City.

Chanzo:Nipashe