MW/KITI BAWACHA MKOA WA GEITA AFARIKI DUNIA KWA MARALIA‏

Na.Denice Stephano,Geita.

KAIMU mwenyekiti wa baraza la wanawake wa chama cha demokrasia na maendeleo Chadema(BAWACHA) mkoa wa Geita,ambaye pia ni mama mzazi wa mwandishi wa habari wa Kampuni ya New habari inayochapisha magazeti ya Rai,Mtanzania,Dimba na The African,Victor Bariety amefariki dunia katika Hospitali ya Upendo mjini Geita.

Kiongozi huyo ambaye pia ni Mjumbe wa mkutano mkuu Taifa wa chama hicho,Asteria Chozaile(57)mkazi wa Shilabela mjini Geita,amefariki jana jumatatu majira ya saa tatu asubuhi kutokana na ugonjwa wa maralia

.

Kwa mujibu wa kaimu katibu mkuu wa CHADEMA mkoa wa Geita Ruhega Rojaz Alisema kiongozi huyo aliugua ghafla siku ya alhamisi ya wiki iliyopita na baadaye alilazwa katika Hospitali ya Upendo kwa matibabu lakini hali yake ilibadirika na kufariki dunia jumatatu ya juzi.

Marehemu Chozaile enzi za uhai wake mbali na kuwa kiongozi katika chama cha siasa amewahi kuwa mtumishi wa serikali katika sekta ya Afya,na amewahi kufanya kazi katika mashirika mbalimbali yasiyokuwa ya kiserikali kama Chama cha msalaba Mwekundu, na Tunajali.

Katibu wa Chadema Rojaz alisema kifo cha kiongozi huyo ni pengo kubwa katika chama hicho kutokana na kuwa mstari wa mbele katika kuwatetea wananchi kupata haki zao.

Mwili wa marehemu umehifadhiwa katika Hospitali ya Rufaa ya Bugando jijini Mwanza na mazishi yanatarajia kufanyika Kesho(leo Jumatano)majira ya saa 10 jioni katika kijiji cha Nshinde mjini Geita na kwamba viongozi mbalimbali wakiwemo wa chama hicho Taifa wanatarajia kuhudhuria mazishi hayo.